Дзень пагранічніка – гэта не проста нагода для ўрачыстасцей, але і магчымасць выказаць глыбокую павагу тым, хто штодня стаіць на варце бяспекі краіны. Візіт старшыні Маларыцкага райвыканкама Аляксандра Каржа ў пагранічную камендатуру “Маларыта” яшчэ раз падкрэслівае значнасць і складанасць службы пагранічнікаў, а таксама тую ролю, якую яны адыгрываюць у падтрыманні стабільнасці і парадку ў краіне
Выступаючы перад афіцэрамі, прапаршчыкамі, салдатамі тэрміновай службы, Аляксандр Корж адзначыў, што недатыкальнасць межаў для дзяржавы – найважнейшая ўмова захавання яе суверэнітэту, незалежнасці, тэрытарыяльнай цэласнасці, забеспячэння стабільнасці і бяспекі дзяржавы. Абарона граніц – справа гонару, патрыятычны абавязак і асаблівая адказнасць перад народам для кожнага воіна ў зялёнай фуражцы.
Старшыня райвыканкама выказаў словы падзякі тым, хто сабраўся ў зале, пажадаў ім міру, шчасця, дабрабыту, новых поспехаў у службе на карысць нашай Радзімы – Рэспублікі Беларусь. Лепшым з лепшых Аляксандр Корж уручыў заслужаныя ўзнагароды. Іх атрымалі: тэхнік аддзялення пагранічнай заставы пагранічнай камендатуры вайсковай часці 2187 Кацярына Загурэнка, старшы тэхнік пагранічнай заставы пагранічнай камендатуры вайсковай часці Алег Кавальчук, начальнік пагранічнай заставы пагранічнай камендатуры вайсковай часці 2187 Сяргей Новік, начальнік часці пагранічнай камендатуры вайсковай часці 2187 Вольга Андрайчук.
Да віншаванняў пагранічнікаў традыцыйна далучыўся і раённы камітэт грамадскага аб’ядання “БРСМ”. Яго першы сакратар Марыя Горнік разам з раённым актывам пабывалі ў пагранічнай камендатуры “Маларыта”, на пагранічных заставах “Арэхава”, “Сушытніца” і “Макраны”, а таксама наведалі аддзяленні пагранічнага кантролю “Хаціслаў” і “Макраны”. Марыя Горнік ападкрэсліла, што ў пагранічнай камендатуры “Маларыта” дзейнічае пярвічвая арганізацыя грамадскага аб’яднання, якая прымае актыўны ўдзел у многіх маладзёжных справах, якія праводзяцца ў раёне.
источник : https://www.malorita.by/?p=120274
